अग्नि पुराण - एक सौ बानबेवाँ अध्याय ! Agni Purana - 192 Chapter !
अग्निरुवाच
व्रतं वक्ष्ये चतुर्दश्यां भुक्तिमुक्तिप्रदायकं ।
कार्त्तिके तु चतुर्दश्यां निराहारो यजेच्छिवम् ॥१
वर्षभोगधनायुष्मान् कुर्वन् शिवचतुर्दशीम् ।
मार्गशीर्षे सितेऽष्टाभ्यां तृतीयायां मुनिव्रतः ॥२
द्वादश्यां वा चतुर्दश्यां फलाहारो यजेत्सुरं ।
त्यक्त्वा फलानि दद्यात्तु कुर्वन् फलचतुर्दशीं ॥३
चतुर्दश्यां मथाष्टम्यां पक्षयोः शुक्लकृष्णयोः ।
अनश्नन् पूजयेच्छम्भुं स्वर्ग्युभयचतुर्दशीं ॥४
कृष्णाष्टम्यान्तु नक्तेन तथा कृष्णचतुर्दशीं ।
इह भोगानवाप्नोति परत्र च शुभाङ्गतिं ॥५
कार्तिके च चतुर्दश्यां कृष्णायां स्नानकृत्सुखी ।
आराधिते महेन्द्रे तु ध्वजाकारासु यष्टिषु ॥६
ततः शुक्लचतुर्दश्यामनन्तं पूजयेद्धरिं ।
कृत्वादर्भमयं चैव वारिधानी समन्वितं ॥७
शालिप्रस्थस्य पिष्टस्य पूपनाम्नः कृतस्य च ।
अर्धं विप्राय दातव्यमर्धमात्मनि योजयेत् ॥८
कर्तव्यं सरितां चान्ते कथां कृत्वा हरेरिति ।
अनन्तसंसारमहासमुद्रे मग्नान् समभ्युद्धर वासुदेव ॥९
अनन्तरूपे विनियोजयस्व अनन्तरूपाय नमो नमस्ते ।
अनेन पूजयित्वाथ सूत्रं बद्धा तु मन्त्रितं ॥१०
स्वके करे वा कण्ठे वा त्वनन्तव्रतकृत्सुखी ॥११॥
इत्याग्नेये महापुराणे नानाचतुर्दशीव्रतानि नाम द्विनवत्यधिकशततमोऽध्यायः ॥
अग्नि पुराण - एक सौ बानबेवाँ अध्याय !-हिन्दी मे -Agni Purana - 192 Chapter!-In Hindi
अनन्तसंसारमहासमुद्रे मग्नान् समभ्युद्धर वासुदेव ॥
अनन्तरूपे विनियोजयस्व हानन्तरूपाय नमो नमस्ते।
click to read 👇
[अग्नि पुराण अध्यायः १८१] [अग्नि पुराण अध्यायः १८२] [अग्नि पुराण अध्यायः १८३]
[अग्नि पुराण अध्यायः १८४] [अग्नि पुराण अध्यायः १८५] [अग्नि पुराण अध्यायः १८६]
[अग्नि पुराण अध्यायः १८७] [अग्नि पुराण अध्यायः १८८] [अग्नि पुराण अध्यायः १८९]
[अग्नि पुराण अध्यायः १९०] [अग्नि पुराण अध्यायः १९१] [अग्नि पुराण अध्यायः १९२]
[अग्नि पुराण अध्यायः १९३] [अग्नि पुराण अध्यायः १९४] [अग्नि पुराण अध्यायः १९५]
[अग्नि पुराण अध्यायः १९६] [अग्नि पुराण अध्यायः १९७] [अग्नि पुराण अध्यायः १९८]
टिप्पणियाँ