श्री भैरव्यष्टोत्तरशतनाम स्तोत्र
॥ श्रीदेव्युवाच ॥
॥ श्रीशिव उवाच ॥
शृणु प्रिये महागोप्यं नाम्नामष्टोत्तरं शतम् ॥२ ॥
भैरव्याः शुभदं सेव्यं सर्वसम्पत्प्रदायकम्।
यस्यानुष्ठानमात्रेण किं न सिद्धयति भूतले ॥३॥
ॐ भैरवी भैरवाराध्या भूतिदा भूतभावना।
कार्य्या ब्राह्मी कामधेनुः सर्वसम्पत्प्रदायिनी ॥४॥
त्रैलोक्यवन्दिता देवी महिषासुरमर्दिनी।
मोहघ्नी मालतीमाला महापातक नाशिनी ॥५॥
क्रोधिनी क्रोधनिलया क्रोधरक्तेक्षणा कुडूः।
त्रिपुरा त्रिपुराधारा त्रिनेत्रा भीमभैरवी ॥६ ॥
देवकी देवमाता च देवदुष्टविनाशिनी ।
दामोदरप्रिया दीर्घा दुर्गा दुर्गतिनाशिनी ॥७॥
लम्बोदरी लम्बकर्णा प्रलम्बितपयोधरा ।
प्रत्यंगिरा प्रतिपदा प्रणतक्लेशनाशिनी ॥८॥
प्रभावती गुणवती गणमाता गुहेश्वरी।
क्षीराब्धितनया क्षेम्या जगत्त्राणविधायिनी ॥९ ॥
महामारी महामोहा महाक्रोधा महानदी।
महापातकसहंत्री महामोहप्रदायिनी ॥१०॥
विकराला महाकाला कालरूपा कलावती।
कपालखट्वांगधरा खड्गखप्परधारिणी ॥११॥
कुमारी कुंकुमप्रीता कुंकुमारुणरंजिता।
कौमोदकी कुमुदिनी कीर्त्या कीर्तिप्रदायिनी ॥१२॥
नवीना नीरदा नित्या नन्दिकेश्वरपालिनी ।
घर्धरा घर्धरारावा घोरा घोरस्वरूपिणी ॥१३ ।।
कलिप्नी कलिधर्मघ्नी कलिकौतुकनाशिनी।
किशोरी केशवप्रीता क्लेशसंघनिवारिणी ॥१४॥
महोत्तमा महामत्ता महाविद्या महीमयी।
महायज्ञा महावाणी महामन्दरधारिणी ॥१५ ॥
मोक्षदा मोहदा मोहा भुक्तिमुक्तिप्रदायिनी।
अट्टाट्टहासनिरता कणन्नुपुरधारिणी ॥१६॥
दीर्घदंष्टा दीर्घमुखी दीर्घघोणा च दीर्घिका
दनुजांतकरी दुष्टा दुःखदारिद्रयभंजिनी ॥१७॥
दुराचारा च दोषघ्नी दमपत्नी दवापरा।
मनोभवा मनुमयी मनुवंशप्रवर्द्धिनी ॥१८॥
श्यामा श्यामतनुः शोभा सौम्या शम्भुविलासिनी।
इति ते कथितं दिव्यं नाम्नामष्टोत्तरं शतम् ॥१९॥
भैरव्या देवदेवेश्यास्तव प्रीत्यै सुरेश्वरि।
अप्रकाश्यमिदं गोप्यं पठनीयं प्रयत्नतः ॥२०॥
देवीं ध्यात्वा सुरां पीत्वा मकारपञ्चकैः प्रिये ।
पूजयेत्सततं भक्त्या पठेत्स्तोत्रमिदं शुभम् ॥२१॥
षण्मासाभ्यंतरे सोऽपि गणनाथसमो भवेत्।
किमत्र बहुनोक्तेन त्वदग्रे प्राणवल्लभे ॥२२॥
सर्वं जानासि सर्वज्ञे पुनर्मां परिपृच्छसि।
न देयं परशिष्येभ्यो निन्दकेभ्यो विशेषतः ॥२३॥
॥ इति श्री भैरव्यष्टोत्तरशतनाम स्तोत्रं सम्पूर्ण॥
टिप्पणियाँ