श्री तारा (महाविद्या ) शतनाम स्तोत्र
श्री तारा (महाविद्या ) शतनाम स्तोत्र | Shri Tara (Mahavidya) Shatnam Stotra
तारिणी तरला तन्वी तारा तरुणवल्लरी।
तीररूपा तरी श्यामा तनुक्षीणपयोधरा ॥१॥
तुरीया तरला तीव्रगमना नीलवाहिनी।
उग्रतारा जया चण्डी श्रीमदेकजटाशिराः ॥२॥
तरुणी शाम्भवी च्छिन्नभाला च भद्रतारिणी।
उग्रा चोग्रप्रभा नीला कृष्णा नीलसरस्वती ॥३॥
द्वितीया शोभना नित्या नवीना नित्यनूतना।
चण्डिका विजयाराध्या देवी गगनवाहिनी ॥४॥
अट्टहास्या करालास्या चरास्या दितिपूजिता ।
सगुणा सगुणाराध्या हरीन्द्रदेवपूजिता ॥५ ॥
रक्तप्रिया च रक्ताक्षी रुधिरास्यविभूषिता ।
बलिप्रिया बलिरता दुर्गा बलवती बला ॥६ ॥
बलप्रिया बलरता बलरामप्रपूजिता ।
अर्द्धकेशेश्वरी केशा केशवासविभूषिता ॥७॥
पद्ममाला च पद्माक्षी कामाख्या गिरिनंदिनी।
दक्षिणा चैव दक्षा च दक्षजा दक्षिणे रता ॥८ ॥
वज्रपुष्यप्रिया रक्तप्रिया कुसुमभूषिता ।
माहेश्वरी महादेवप्रिया पञ्चविभूषिता ॥९॥
इडा च पिङ्गला चैव सुषुम्ना प्राणरूपिणी।
गान्धारी पञ्चमी पञ्चाननादि परिपूजिता ॥१०॥
तथ्यविद्या तथ्यरूपा तध्यमार्गानुसारिणी ।
तत्त्वप्रिया तत्त्वरूपा तत्त्वज्ञानात्मिकानघा ॥११॥
ताण्डवाचारसन्तुष्टा ताण्डवप्रियकारिणी ।
तालदानरता क्रूरतापिनी तरणिप्रभा ॥१२॥
त्रयीयुक्ता त्रयीमुक्ता तर्पिता तृप्तिकारिणी ।
तारुण्यभावसंतुष्टठा शक्तिर्भक्तानुरागिणी ॥१३॥
शिवासक्ता शिवरतिः शिवभक्तिपरायणा ।
ताम्रद्युतिस्ताम्ररागा ताम्रपात्रप्रभोजिनी ॥१४॥
बलभद्रप्रेमरता बलिभुग्बलिकल्पिनी ।
रामरूपा रामशक्ती रामरूपानुरागिणी ॥१५॥
इत्येतत्कथितं देवि रहस्यं परमाद्भुतम्।
श्रुत्वा मोक्षमवाप्नोति तारादेव्याः प्रसादतः ॥१६॥
च इदं पठति स्तोत्रं तारास्तुति रहस्यकम्।
सर्वसिद्धियुतो भूत्वा विहरेत् क्षितिमण्डले ॥१७॥
तस्यैव मंत्रसिद्धिः स्यान्मम सिद्धिरनुत्तमा ।
भवत्येव महामाये सत्यं सत्यं न संशयः ॥१८ ॥
मन्दे मंगलवारे च यः पठेन्निशि संयतः ।
तस्यैव मंत्रसिद्धिः स्याद्गाणपत्यं लभेत सः ॥९९॥
श्रद्धयाऽश्रद्धया वापि पठेत्तारारहस्यकम्।
सोऽचिरणैव कालेन जीवन्मुक्तः शिवो भवेत् ॥२०॥
सहस्त्रावर्त्तनाद्देवि पुरश्चर्याफलं लभेत् ।
एवं सततयुक्ता ये ध्यार्य तस्त्वामुपासते ।
ते कृतार्था महेशानि मृत्युसंसारवत्र्त्मनः ॥२१ ॥
॥ इति श्रीस्वर्णमालातंत्रे तारिणी शतनामस्तोत्रम् सम्पूर्णम् ॥
[श्री तारा (महाविद्या ) शतनाम स्तोत्र ] [ श्री तारा ( महाविद्या ) सहस्रनाम स्तोत्र ]
[ श्री तारा ( नीला तारा ) महाविद्या स्तोत्र ] [ श्री तारा (महाविद्या) हृदय स्तोत्र ]
टिप्पणियाँ