श्री त्रैलोक्य विजय कवच - शत्रु नाशक काली कवच
मां काली त्रैलोक्य विजय कवच - Maa Kali Trilokya Vijay Kavach,
॥ श्री सदाशिव उवाच ॥
त्रैलोक्य विजयस्यास्य कवचस्य ऋषिः शिवः।
छन्दोऽनुष्टुं देवता च आद्याकाली प्रकीर्तिता ॥
माया बीजं बीजमिति रमा शक्तिरुदाहृता।
क्रीं कीलकं काम्य सिद्धौ विनियोगः प्रकीर्तितः ॥
ह्रीमाद्या मे शिरः पातु श्री काली वदनं मम।
हृदयं क्रीं परा शक्तिः पयात्कण्ठं परात्परा ॥
नेत्रे पातु जगद्धात्री कर्णी रक्षतु शङ्करी ।
घ्राणं पातु महामाया रसनां सर्वमङ्गला ॥
दन्तान्रक्षतु कौमारी कपोलौ कमलालया।
ओष्ठाधरी क्षमा रक्षेच्चिबुकं चारुहासिनी ॥
ग्रीवां पायात्कुलेशानी ककुत्पातु कृपाभयी।
द्वौ बाहू बाहुदा रक्षेत्करी कैवल्यदायिनी ।।
स्कन्धौ कपर्दिनी पातु पृष्ठं त्रैलोक्यतारिणी।
पार्श्वे पायादपर्णा मे कटिं में कमठासना ॥
नाभी पातु विशालाक्षी प्रजास्थानं प्रभावतीं ।
उरू रक्षतु कल्याणी पादी में पार्वती सदा ॥
जय दुर्गाऽवतु प्राणान्सर्वाङ्ग सर्वसिद्धिदा ।
रक्षाहीनं तु यत्स्थानं वर्जितं कवचेन च ॥
तत्सर्व मे सदा रक्षेदाद्याकाली सनातनी ॥
इति ते कथितं दिव्यं त्रैलोक्य विजयाभिधम्।
कवचं कालिकादेव्या आद्यायाः परमाद्भुतम् ॥
पूजाकाले पठेद्यस्तु आद्याधिकृत मानसः ।
सर्वान्कामानवाप्नोति तस्याद्याशु प्रसीदति ॥
मंत्रसिद्धि भंवेदाशु किङ्कराः क्षेत्र सिद्धयः ।
अपुत्रो लभते पुत्रं धनार्थी प्राप्नुयाद्धनम् ॥
विद्यार्थी लभते विद्यां कामी कामानवाप्नुयात्।
सहस्वावृत्त पाठेन वर्मणेऽस्य पुरस्क्रिया ॥
पुरश्चरणसम्पन्नं यथोक्तफलदं भवेत् ।
बन्दनागुरुकस्तूरी कुङ्कुमै रक्त चन्दनैः ॥
भूर्जेविलिख्य गुटिकां स्वर्णस्थां धारयेद्यदि।
शिखायां दक्षिणे बाहौ कण्ठे वा साधकः कटौ ॥
तस्याद्या कालिका वश्या वाञ्छितार्थ प्रयच्छति।
न कुत्रापि भयं तस्य सर्वत्र विजयी कविः ॥
अरोगी चिरंजीवी स्याद् बलवान्धारणक्षमः ।
सर्वविद्यासु निपुणः सर्वशास्वार्थ तत्ववित् ॥
वशे तस्य महीपाला भोग मोक्षौ करस्थितौ ।
कलिकल्मष युक्तान्तं निःश्रयेसकरं परम् ॥
॥ इति मां काली त्रैलोक्य विजय कवच सम्पूर्णम् !!
[ दक्षिण काली साधना विवरण, ] [ श्री काली कीलक स्तोत्रम् ]
[ श्री कालिका सहस्त्रनाम स्तोत्र ] [ श्री काली ककारादि शतनाम् स्तोत्र ]
[ श्री काली हृदय स्तोत्र ] [ श्री काली जगन्मङ्गल कवच ] [ दक्षिण काली कवच ]
[ श्री महाकाली ( मंत्र ) सूक्त ][ श्री काली अर्गला स्तोत्रम् मां दुर्गा को प्रिय है ]
[ श्री काली कर्पूर स्तोत्रम् ] [ काली ककारादि सहस्रनाम स्तोत्रम् ]
टिप्पणियाँ