शिव तांडव स्तोत्र ! Shiv Tandav Stotra !
शिव तांडव स्तोत्र ! Shiv Tandav Stotra !
जटाटवीगलज्जलप्रवाहपावितस्थले
गलेऽवलम्ब्य लम्बितां भुजङ्गतुङ्गमालिकाम् ।
डमड्डमड्डमड्डमन्निनादवड्डमर्वयं
चकार चण्डताण्डवं तनोतु नः शिवः शिवम् ॥१॥
जटाकटाहसम्भ्रमभ्रमन्निलिम्पनिर्झरी
विलोलवीचिवल्लरीविराजमानमूर्धनि ।
धगद्धगद्धगज्ज्वलल्ललाटपट्टपावके
किशोरचन्द्रशेखरे रतिः प्रतिक्षणं मम ॥२॥
शिव तांडव स्तोत्र हिंदी अर्थ सहित
शिव तांडव स्तोत्र हिंदी अर्थ सहित
धराधरेन्द्रनंदिनीविलासबन्धुबन्धुर.
स्फुरद्दिगन्तसन्ततिप्रमोदमानमानसे ।
कृपाकटाक्षधोरणीनिरुद्धदुर्धरापदि
क्वचिद्दिगम्बरे मनो विनोदमेतु वस्तुनि ॥३॥
जटाभुजङ्गपिङ्गलस्फुरत्फणामणिप्रभा
कदम्बकुङ्कुमद्रवप्रलिप्तदिग्वधूमुखे ।
मदान्धसिन्धुरस्फुरत्त्वगुत्तरीयमेदुरे
मनो विनोदमद्भुतं बिभर्तु भूतभर्तरि ॥४॥
सहस्रलोचनप्रभृत्यशेषलेखशेखर
प्रसूनधूलिधोरणी विधूसराङ्घ्रिपीठभूः ।
भुजङ्गराजमालया निबद्धजाटजूटकः
श्रियै चिराय जायतां चकोरबन्धुशेखरः ॥५॥
ललाटचत्वरज्वलद्धनञ्जयस्फुलिङ्गभा
निपीतपञ्चसायकं नमन्निलिम्पनायकम् ।
सुधामयूखलेखया विराजमानशेखरं
महाकपालिसम्पदेशिरोजटालमस्तु नः ॥६॥
करालभालपट्टिकाधगद्धगद्धगज्ज्वल
द्धनञ्जयाहुतीकृतप्रचण्डपञ्चसायके ।
धराधरेन्द्रनन्दिनीकुचाग्रचित्रपत्रक
प्रकल्पनैकशिल्पिनि त्रिलोचने रतिर्मम ॥७॥
नवीनमेघमण्डली निरुद्धदुर्धरस्फुरत्.
कुहूनिशीथिनीतमः प्रबन्धबद्धकन्धरः ।
निलिम्पनिर्झरीधरस्तनोतु कृत्तिसिन्धुरः
कलानिधानबन्धुरः श्रियं जगद्धुरंधरः ॥८॥
प्रफुल्लनीलपङ्कजप्रपञ्चकालिमप्रभा
वलम्बिकण्ठकन्दलीरुचिप्रबद्धकन्धरम् ।
स्मरच्छिदं पुरच्छिदं भवच्छिदं मखच्छिदं
गजच्छिदांधकच्छिदं तमन्तकच्छिदं भजे ॥९॥
अखर्व सर्वमङ्गलाकलाकदम्बमञ्जरी
रसप्रवाहमाधुरी विजृम्भणामधुव्रतम् ।
स्मरान्तकं पुरान्तकं भवान्तकं मखान्तकं
गजान्तकान्धकान्तकं तमन्तकान्तकं भजे ॥१०॥
जयत्वदभ्रविभ्रमभ्रमद्भुजङ्गमश्वस
द्विनिर्गमत्क्रमस्फुरत्करालभालहव्यवाट् ।
धिमिद्धिमिद्धिमिध्वनन्मृदङ्गतुङ्गमङ्गल
ध्वनिक्रमप्रवर्तित प्रचण्डताण्डवः शिवः ॥११॥
दृषद्विचित्रतल्पयोर्भुजङ्गमौक्तिकस्रजोर्.
गरिष्ठरत्नलोष्ठयोः सुहृद्विपक्षपक्षयोः ।
तृणारविन्दचक्षुषोः प्रजामहीमहेन्द्रयोः
समप्रवर्तिक: कदा सदाशिवं भजाम्यहम ॥१२॥
कदा निलिम्पनिर्झरीनिकुञ्जकोटरे वसन्.
विमुक्तदुर्मतिः सदा शिरः स्थमञ्जलिं वहन् ।
विमुक्तलोललोचनो ललामभाललग्नकः
शिवेति मंत्रमुच्चरन् कदा सुखी भवाम्यहम् ॥१३॥
निलिम्प नाथनागरी कदम्ब मौलमल्लिका
निगुम्फनिर्भक्षरन्मधूष्णिकामनोहरः ।
तनोतु नो मनोमुदं विनोदिनीमहर्निशं
परिश्रयं परं पदं तदङ्गजत्विषां चयः ॥१४॥
प्रचण्ड वाडवानल प्रभाशुभप्रचारणी
महाष्टसिद्धिकामिनी जनावहूत जल्पना ।
विमुक्त वाम लोचनो विवाहकालिकध्वनिः
शिवेति मन्त्रभूषगो जगज्जयाय जायताम् ॥१५॥
इमं हि नित्यमेवमुक्तमुत्तमोत्तमं स्तवं
पठन्स्मरन्ब्रुवन्नरो विशुद्धिमेतिसंततम् ।
हरे गुरौ सुभक्तिमाशु याति नान्यथा गतिं
विमोहनं हि देहिनां सुशङ्करस्य चिंतनम् ॥१६॥
पूजावसानसमये दशवक्त्रगीतं
यः शम्भुपूजनपरं पठति प्रदोषे ।
तस्य स्थिरां रथगजेन्द्रतुरङ्गयुक्तां
लक्ष्मीं सदैव सुमुखिं प्रददाति शम्भुः ॥१७॥
ये भी पढ़ें
[ श्री शिव सहस्त्र नामावली श्री शिव के 1008 नाम ][ श्री शिव सहस्रनाम स्तोत्र ! ]
[ शिव सहस्रनाम स्तोत्र ,शिव सहस्रनाम का फल ] [ श्री शिव नामावल्यष्टकम् ]
[ असित कृतं शिव स्तोत्रम ] [ शिव - श्री रुद्राष्टकम ] [ श्री शिवाष्टकम् ] [ शिव अष्टोत्तर शतनामावली ! ]
[ शिव अष्टोत्तर शतनाम स्तोत्र ] [ श्री शिव पंचाक्षर स्तोत्र ] [ अर्धनारीश्वर स्तोत्र ]
शिव तांडव स्तोत्र से लाभ
- शिव तांडव स्तोत्र का पाठ करने से कुंडली में शनि ग्रह का बुरा असर कम होता है !
- कालसर्प योग, कालसर्प दोष, और पितृ दोष से मुक्ति के लिए भी यह स्तोत्र कारगर माना जाता है !
- शिव तांडव स्तोत्र का पाठ करने से धन-संपत्ति की कमी नहीं होती !
- शिव तांडव स्तोत्र का पाठ करने से जातक को कर्ज़ और आर्थिक संकटों से छुटकारा मिलता है !
- शिव तांडव स्तोत्र का पाठ करने से गृहस्थ जीवन सुखमय होता है !
- शिव तांडव स्तोत्र का पाठ करने से दांपत्य जीवन में प्रेम बढ़ता है !
- शिव तांडव स्तोत्र का पाठ करने से जातक का चेहरा तेजमय होता है और आत्मबल मज़बूत होता है !
- शिव तांडव स्तोत्र का लयबद्ध जाप मन को शांत करता है और ध्यान में बैठने में मदद करता है !
- शिव तांडव स्तोत्र के छंदों में गहरा प्रतीकवाद होता है, जो भावनात्मक संतुलन बढ़ाता है !
- शिव तांडव स्तोत्र का पाठ करने से स्वास्थ्य की समस्याओं का समाधान भी निकलता है !
टिप्पणियाँ