गणेशाष्टकम् ! श्रीमदनन्तानन्दसरस्वतीविरचितं
 |
| Ganeshashtakam ! Srimadanantanandasaraswativirchitam |
गणेश जी को प्रसन्न करने के लिए ये उपाय अपनाए जा सकते हैं:-
- गणेश जी को लाल सिंदूर का तिलक लगाएं.
- गणेश जी को चावल अर्पित करें.
- बुधवार के दिन गणेश जी की पूजा के साथ चालीसा का पाठ करें
गणेशाष्टकम् !Ganeshashtakam
गजवदन गणेश त्वं विभो विश्वमूर्त !
हरसि सकलविघ्नान् विघ्नराज प्रजानाम् ।
भवति जगति पूजा पूर्वमेव त्वदीया
वरदवर कृपालो चन्द्रमौले प्रसीद ॥१॥
सपदि सकलविघ्ना यान्ति दूरे दयालो
तव शुचि रुचिरं स्यान्नामसङ्कीर्तनं चेत् ।
अत इह मनुजास्त्वां सर्वकार्ये स्मरन्ति
वरदवर कृपालो चन्द्रमौले प्रसीद ॥२॥
सकलदुरितहन्तुः स्वर्गमोक्षादिदातुः
सुररिपुवधकर्तुः सर्वविघ्नप्रहर्तुः ।
तव भवति कृपातोऽशेष-सम्पत्तिलाभो
वरदवर कृपालो चन्द्रमौले प्रसीद ॥३॥
तव गणप गुणानां वर्णने नैव शक्ता
जगति सकलवन्द्या शारदा सर्वकाले ।
तदितर मनुजानां का कथा भालदृष्टे
वरदवर कृपालो चन्द्रमौले प्रसीद ॥४॥
बहुतरमनुजैस्ते दिव्यनाम्नां सहस्त्रैः
स्तुतिहुतिकरणेन प्राप्यते सर्वसिद्धिः ।
विधिरयमखिलो वै तन्त्रशास्त्रे प्रसिद्धः
वरदवर कृपालो चन्द्रमौले प्रसीद ॥५॥
त्वदितरदिह नास्ते सच्चिदानन्दमूर्ते
इति निगदति शास्त्रं विश्वरूपं त्रिनेत्र ।
त्वमसि हरिरथ त्वं शङ्करस्त्वं विधाता
वरदवर कृपालो चन्द्रमौले प्रसीद ॥६॥
सकलसुखद माया या त्वदीया प्रसिद्धा
शशधरधरसूनो त्वं तया क्रीडसीह ।
नट इव बहुवेषं सर्वदा संविधाय
वरदवर कृपालो चन्द्रमौले प्रसीद ॥७॥
भव इह पुरतस्ते पात्ररूपेण भर्त्तः
बहुविधनरलीलां त्वां प्रदर्थ्यांशु याचे ।
सपदि भवसमुद्रान्मां समुद्धारयस्व
वरदवर कृपालो चन्द्रमौले प्रसीद ॥८॥
अष्टकं गणनाथस्य भक्त्या यो मानवः पठेत् ।
तस्य विघ्नाः प्रणश्यन्ति गणेशस्य प्रसादतः ॥९॥
इति जगद्गुरु-शङ्कराचार्य-स्वामिश्रीशान्तानन्दसरस्वती-शिष्य-स्वामि-श्रीमदनन्तानन्दसरस्वतीविरचितं गणेशाष्टकं सम्पूर्णम् ॥
ये भी पढ़ें:-
[ श्री गणपति स्तव ] [ गणेश कवच ] [ गणेशाष्टकम् ] [ सङ्कष्टनाशनं गणेश स्तोत्र ] [ गणेश अष्टकं ]
[ श्री गणेश अष्टकम ] [ संकट हरण अष्टकम गणेश स्तोत्र ] [ गजानन स्तोत्र शङ्करादिकृत ]
[ देवर्षि कृतं - गजानन स्तोत्र ] [ गजानन स्तोत्र ] [ श्री विनायक विनति ] [ गणपति स्तोत्र ]
[ गणेश मानस पूजा ] [ श्री गणेश बाह्य पूजा ] [ संकष्टनाशनं गणेशस्तोत्रं ] [ श्रीगणेशमहिम्नः स्तोत्रम् ]
[ गणेश अष्टोत्तर शतनाम स्तोत्रम् ] [ गणेश सहस्रनाम स्तोत्र ] [ एकदंत गणेश स्तोत्र ]
[ महा गणपति स्तोत्रम् ] [ गणेश स्तवराज ] [ ढुंढिराजभुजंगप्रयात स्तोत्रम् ]
टिप्पणियाँ